Oté

« La korde i kass touzour koté li lé faye »

In kozman pou la route

Justin / 3 mé 2021

JPEG - 43.6 ko

Médame, zé Méssyé, La sosyété, koze èk mwin sé koze èk in kouyon, mé sé o pyé d’lo mir k’i oi lo masson. Mézami, mi koné pa oziss si kozman-la i di azote in n’afèr. Mwin sa i rapèl amwin in souvnir, dann tan mwin téi fé zétide. Mi rapèl in kamarade l’avé fé in shansson zistoman li té anparl de sa. Mwin pèrsonèl, mwin la touzour panss shakinn rante nou néna son poin for épi son poinn féblèss : lé vré pou nou, lé vré galman pou noute zènmi é si lokazyon kroizé la prézanté, lé pli proférab tape dsi lo poinn féblèss épa dsi lo poin for, pangar pèdre out lénèrzi pou riyin é sède, mèm i kapitile, lé pli proférab tape koté li lé faye. Mao téi di pa : konpanss oute pwin fèb ! Pars li téi koné sé par la ké lo kou lé pli difissil pou anparé. Alé ! Mi kite azot rofléshi la dsi é ni artrouv pli d’van. Sipétadyé.sa lé vré, mi panss pou toute konba issoi fizik ; kissoi idéolozik, kissoi ankor politik. Si ni vé lo ladvèrsère i sède, mèm i kapitile, sé kot lo poin fèb k’i fo tape ali. Alé ! Ni artrouv pli d’van. Sipétadyé.