Médam zé méssyé, la sossyété , koz èk mwin sé koz èk in kouyon, mé sé o pyé d’lo mir k’i oi lo masson.

Mézami, mi doi dir azot, avan zordi mwin téi koné pa kozman-la konm in provèrb ni sak li vé dir. Si mi baz dsi somi-lo mo, lo liv Daniel Honoré sa i vé dir shakinn son rol : la korde néna son rol épi lo gardien li mèm néna la syène.

Astèr si ni rode in ka pou ansèrv kozman-la, lé pa sir ni trouv réèlman inn. La pa konm bann provèrb sak lé bien koni, é nou lé bien abityé avèk zot, pars so bann-la lé pli klèr, lé pli sinp, lé pli évidan. Mé bann léktèr noute zoinal témoignages i koné sirman sa si tèlman zot lé kiltiré dann lo kréol.

Alé ! Mi kite azot rofléshi ladsi é ni rotrouv pli d’van, sipétadyé.