Oté

« La lang i fé, la lang i défé »

In kozman pou la rout

Justin / 30 zwiyé 2018

JPEG - 43.6 ko

Zot i an souvien zistoir Ezop ? Boug-la té in zésklav l’avé la sazèss dan la tète. In zour lo roi i domann ali fé kui lo méyèr kari ké néna ! Lo boug i sava bazar épi li ashté la lang. Lo roi i manz mé li trouv sa in pé ragoulan. Donk li domnn son onm a tou fèr pou fé lo pli mové manzé li koné. Mèm to, log a i ashté la lang épi li ansèrv sa son roi an kary. Sinploman pou li fé konprann : la lang sé lo méyèr élo pli mové z’afèr néna. La lang i fé in répitasyon. La lang i défé in répitasyon. Zordi i diré sé bann médya : pli méyèr é pli pir z’afèr néna dann nout sosyété. Alé ! Mi lèss azot rofléshi la dsi é ni artrouv pli d’van. Sipétadyé !