Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

« La lang la poin lo zo »

In kozman pou la rout

mardi 3 novanm 2020, sanm Justin

Mézami, mi pans moin la fine anparl azot kozman-la : mi rapèl pi ka, mi souvien pi dann kèl lokazyon. Toutfasson mi pans, konm nou lé an sosyété, néna omoins dis l’okazyon dann in zourné pou mazine sa, é tazantan pou lèss la lang èl mèm di kozman-la. Fransh vérité mé zami, kan zot i ékout radyo, sansa zot i rogard télé, parèye si zot i lir zoinal i ariv pa zot pans provèrb moin la mark an-o la ? Moin oui é pa raink in kou. Konbien foi ni antann demoun aprédéform la vérité, par érèr, par malis, distraksyon, sansa par mové z’ intansyon. Souvan mi pans la radio ofisyèl fitintan - lo sèl radio l’avé - é koman èl téi trafik la vérité é mi pé dr azot, zordi ankor, sa i fé mal amoin. Alé ! Mi kite azot rofléshi la dsi é ni artrouv pli d’van. Sipétadyé.



Inn modékri, inn ti lavi, inn komantèr ?

signaler contenu


Facebook Twitter Linkedin Google plus