Zot i koné Esope in saz zèsklav la kour in roi : lo roi I di ali fé in kari avèk sak lé méyèr. Li fé in kari la lang –sa i fatig bien son mètr ! Landomin i di ali : fé in kary avèk sak li trouv lo pli mové : li fé in kari la lang. La pa béoin dir azot li la fatig son mètr in pé bokou. Li té ragoulé vèye pa koman. La pa bézoin an avoir bak +25 pou konprann sa… Samdimansh-la, moin lété an parmi é mi pé dir moin lété kontan… tazantan ! Pars ou i pé an avoir la shans bite dsi in moun i di dé shoz intérésan mé ou i pé tonm galan dsi in moun razoir parl pi. L’èr la ou i konpran kosa i lé in moun i koz initil, konm in moun i di dé bone shoz. Alé ! Mi kite azot roflésh la dsi é ni artrouv pli d’van. Sipétadyé !