Mi pans in bonpé d’moun i koné kisa lété Ezop : in zésklav dann la Grès dann tan l’antikité, mé in moun saz kant mèm vi k’li lé abityé rofléshi dsi bann problèm la vi.

Listoir zot i koné sirman sé kan son roi l’anvoye ali ashté lo méyèr zafèr posib pou fé in bon kari.ezope l’ashète la lang mé kan li lété ragoulé li la parti ashté la lang mèm pou fé lo pli mové kary.Son roi lété plisk’étoné la dmann ali pou kosa lo méyèr konm lo pir kary sé la lang.

Ezope la di : avèk la lang i pé di bon parol kaziman parol do myèl ,mé i pé di galman mové parol kaziman parol do fyèl. Ala pou kosa, mon roi, moin la fé dé zpor d’suit lo mèm kary,inn konm bon kary, l’ot konm mové kary.Alé !

Mi kite azot rofléshi la dsi é ni artrouv pli d’van. Sipétadyé !