Sa lé vré toulbon. La pa pars in moun la kozé ké li di dé bone shoz. Mon défin papa té i di avèk in vyé famiy : « Out lang lé tayé pou dir dé movèz shoz ! ». La prèv : mové lang. « Mové lang la di la fé » konm la shantèz Afatia i shant. La pa non pli pars li bate ké li aport in réflèksyon. Konm morisien i di : « kozé pou pa la lang pi ! » . Esope déza, dannn son tan, téi di la lang sé lo méyèr é lo pli mové z’afèr. Pars, si la lang na poin lo zo kan demoun i koz initil, la lang i guéri osi la maladi sirtou kan la maladi i atak lo l’am. Li la poin lo zo biensir, mé alon pa oir solman lo mové koté, li na son bon koté galman…

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant, tazantan, ni pé z’ète dakor, rantre nou.