morde son ké .Finalman sé bann grann sirfass k’i sa zoué avèk bann pri in pé a zot fasson san k’sa i amenn kékshoz de bon pou nou.

Dann in radio la domann l’avi bann zoditèr é bien antandi bann zoditèr in pé abityé avèk so zé d’ponp dsi bann pri, i kroi pa Pèr Noël pars pou zot léfé gouvèrnman i atann sar pa ditou sak li kroi.An partikilyé pars bann gran komèrs zanfan batar lo kolonyalism lé pliss kalifyé dann la oss ké dann la bèss, é si i fé in oss-bèss pou demoune sar in gran oss avèk in ptite bèss.

Mon poinn vizé ladan ? Mi rodi sak mwin la fine dir pou lo panyé la ménazèr.Pou mwin sa in manyèr pou kontinyé shanj la kiltir kréol avèk bann pla préparé donk k’i tourn lo do noute kiltir é sirman lé pa bon pou noute santé a nou rényoné épi sète noute bann kamarade loutre-mèr. ;

Noute abitide : ni pran sak lé kri pou nou fé kui, suivan la fasson noute zansète la lèss pou nou ;Ni koné manz dori-kari-lo grin-brède épi toute noute bon zépiss é lé pa bon k ‘i propoz anou manzé manipilé mèm si ladsi néna in pti bèss lé pri…Mézami bann médssin a komanssé par Dr Raymond Vergès téi di noute manzé lé ékilibré, lé bon pou noute santé é tank lo gou,sé lo gou péi oté.

Abon antandèr salu !

Justin