Sa sé in n’afèr i antann bien souvan. Vré ? Pa vré ? Anfin zot i pans konm zot i vé. Solman sak lé sir sa sé in kozman i égzis partou, dann tout péi, dann tout kartyé. Isi mèm, ni di pa : « La loi la pa zis ! » Lo gran Lafontaine téi di pa, dann inn son fab : suivan ké ou lé inportan sansa pti kolon, la zistis lé z’om va fèr aou blan ou bien noir. In vérité inivèrsèl alor ? Moin lé pa sir mé sak i koz konmsa souvan-dé foi, li la mète ali dann son tor aprésa li lé pa kontan kan kou d’boi i ariv. Ni pé dir osi shakinn i pans li nana péshé vényèl é lé z’ot, péshé mortèl. Tout fason, kozman konmsa i donn manzé la lang... Lé déza kékshoz. Alé ! Ni artrouv pli d’vabn sipétadyé.