Lakey lo sit > Chroniques > Oté
« La loi lé konm toil zarnyé : li trape lo pti, zamé lo gro »
In kozman pou la route
vandrodi 30 séptanm 2022, sanm
Médame zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.
Mézami, mi éspère zot i koné ankor kossa i lé toil zarnyé. Mi di sa pars koméla sa lé plizanpli rar pars bonpé kalité zarnyé la fine disparète par noute fote bien antandi. Antouléka li lé ankor koni pars li trape pti-pti zinsèkt é sirtou pa sak lé gro.
Kozman-la i kol bien avèk sak ni kroi la plipar d’tan. Ni panss la loi lé toléran avèk bande gran koupab épi san féblèss avèk lo pti. Sé pou sa ni di ossi : la loi lé pa zist é na poin pèrsone lé kapab fé modifyé anou noute poinnvizé.
Alé ! Mi kite azot rofléshi la dsu é ni rotrouv pli d’van. Sipétadyé.
Justin
