Mwin lé sir sa in kozman zot i koné bien é i di sa plizyèr manyèr konm par ébzanp : « La shyass i ariv a shoval épi i ropa a pyé ». I di sa ossi pou la maladi épi la santé.

Biensir sa i dépande dé ka, é dé moune pars kan ou lé bien sansa kan ou i viv bien lo tan i aparé pa long, mé lo tan malade épi lo tan maléré sa lé – konm i di-long konm in zour san « pain » – san manzé si zot vé.

Mé antansyon bien zordi i pézète malade domin, rish zordi i pézète pov domin donk i fo ni abityé anou lo shanjman an bien osinonsa an mal. Sé in n’afèr d’lédikassyon. Alé ! Mi kite azot rofléshi la dsi é ni artrouv pli d’van. Sipétadyé.

Justin