Matante zélida la ékrir : Mon shèr nové, mi sava di a ou in nafèr, moin lé sir va kapote aou dovan déyèr... Vi koné, dann mon komine lavé zéléksion dimansh, vi koné pou kissa mi vote ? La pa in sogré ! Kant mèm sa, moin la parti rénion lo mèr : pou kozé, li la bien kozé. Épi, kan lo parlaz lété fini, la donn anou pti kouyonad pou aranz la boush, épi an misouk in moun l’arivé, la donn amoin troi san léro... La, ou i tienbo pi déssi out zanm la ?... Boir in pé d’lo, va rofé aou.
Justin la réponn ali : Mon vié matante, ou i gingn pa réspèk out shové blan ! Par réspé, konbien ou i pèz ? Dan lé katrovin kilo par-la, dizon soisant-kinz. Sa i fé 4éro lo kilo sa ! la pa shèr touléka... Mé pli pir dann tousala, nana dmoun la lité pou so droi voté-la, néna la gingn la mor, la moizi dan la zol pou sa. Matante, akoz ou i manz pa out salarié sinploman ? Lé vré lé mèg, mé o moins ou i gingn rogarde aou dan la glas san onte...Mé pétète, la onte ou na pi... Daoir koshon la manzé..

Justin