Oté

« La otèr ou i tonm sé inn, la otèr ou i robonm sé dé ! »

In kozman pou la rout

Justin / 7 out 2018

JPEG - 43.6 ko

Mi koné in kozman i di konmsa : in mal pou in bien. Pou moin sa I vé dir I ariv aou in move zafèr, mé sa i pèrmète aou avansé. Kozman an-o la dizon lé konmsa. Ou i tonm donk i ariv aou in mové zafèr, mé ou i robonm sé la k’i pé ète in bon n’afèr pou ou. Sa lé vré kan i ariv aou in kanikrosh dann la sosyété : ou i tonm, mé ou i pé romonté é sak lé inportan sé la otèr ou i robonm. Si sé in bon otèr, i pé z’ète pou ou in bon dépar. Mi souvien in dalon toudinkou son fémir la kasé. In malèr pou li ! Mé bann doktère la ropèr in maladi li konésé pa é pou li li téi sava géri. In mal pou in bien d’apré li. Vik son fraktir la pèrmète doktèr, trouv son maladi. Alé ! Mi kite azot rofléshi la dsi é ni artrouv pli d’van sipétadyé.