Rod la tète la mori ? Sa in n’afèr sa ! Koméla sirtou pars la mori i vann dann barkète, mé avan té i vann la mori sèk, bingné dann gro sèl koupé an dé dann sans l’épésèr, mé san la tèt. Avan ankor té vann la mori dann ti paké anmaré avék la kord, in bout dési, in bout desou é inn dé pti bout la zèl sansa myète dann milyé [1]. Dann tou lé ka, rod la tèt la mori té misyon inposib, té rod in n’afèr téi ariv pa La Rényon. Donk lété rode lo bout, rod l’inposib. Rode l’inposib ? Amoins ké lété shèrch sak la pèrsone ou l’apré koz ansanm i vé pa dir avèk ou ? Pétète inn, pétète l’ot ! Alé ! mi lès azot kalkilé, é ni artrouv pli d’van sipétadyé.