Mézami sak mwin la marke an-o la, i pé di « guingn la syanss » ; i pé di ossi « bèz la syanss ». Kan in moune i di sa, sa i pé z’ète par admirassion, sansa sinploman pou kass ti-boi. Inn é l’ote lé possib é konm i di sa i dépande lo kontèks.

Toute fasson lo moune i konpran : si ou la fé in bétiz wi sava gingn in kassaz ti-boi, si ou la fé in n’afèr tré bien - sansa tro-bien — wi konpran lo kozman sé in konpliman. Konm mwin la di napoin tro lontan : i pran pa foutan pou konpliman ; parèye i pran pa konpliman pou foutan. Sof konm in pé i di si ou lé sisséptib — l’èr-la wi pé vèksa aou kan i fo pa.

Azot de oir é mi kite azot rofléshi la dsi. Alé ! ni artrouv pli d’van, sipétadyé.

Justin