Sa in kozman demoun La Guadloup . Kosa i lé in ké bèf ? Dizon sa i prolonz son kolone vèrtévral. Li lé misklé avèk in kantité vèrtèb épi bann ligaman bien kosto kordé vèye pa koman. Dabor inn, la ké i protèj bann zorgane délika (fasonn parlé)shé bann bèf. Li pé galman donn aou in lidé dsi l’imèr bann zanimo : kréol i di pa rède an ké d’bèf pou in moun an kolèr ? An plis sa i shass lo moush. Donk ni pé dir bèf la bézoin son ké toultan. Sa sé bèf, mé si ou i aplik sa bann famiy, bann papa, momon, zanfan, sa i vé dir aou, la pa in foi rant-rant ou la bézoin trouv out famiy. Lé vré koméla, la famiy i éloign é ou i trouv pa èl kan ou noré bézoin, sansa kan i fé plézir aou. Donk si bèf la bézoin son ké é pa arienk kan i fé sho, la famiy la bien bézoin rotrouv ali pli souvan ké korn lapin lé rar. Alé ! Mi kite azot rofléshi la dsi é ni artrouv pli d’van. Sipétadyé !