Oté

« La pa kan ou la fain k’i fo mète manzé o fé. »

In kozman pou la rout

Justin / 13 désanm 2017

JPEG - 43.6 ko

Sa sé in n’afèr tayé avèk sizo dann lo bon sans. Pars si ou i atann ou na fain ou lé riskab pi an avoir fain l’èr manzé sar kui. An touléka out vant lé kapab grouyé in pé plis k’i fo ; l’anvi bayé va pont dsi ou. Talèr ou lé riskab gingn doulèr d’vant. Konm goni vide i tienbo pa d’bout, mi oi pa kèl travaye ou i sava fé dann in l’éta konmsa. Mi souvien moin la lir in provèb téi di konmsa : la pa kan zoizo i pran lo vol i fo ou i sava taye out flèsh épi prépar poizon pou tranp lo bout dodan. Alé ! mi lèss azot réfléshi la dsi é ni artrouv pli d’van sipétadyé.