Par égzanp zordi in bonpé péi lé riskab la monté la mèr i anpèsh azot viv normalman pars son nivo i goumant pou kékshoz i apèl lo dérègleman klimatik. Poitan zot lé pa résponsab de sa mèm sé d’ote lé résponsab é la syanss la fine bien ésplik lo ka.

Donk ou la bo pa ète résponsab mé wi sibi lo bann konsékanss.. Ni oi dann l’est La Rényon néna bonpé landroi lé an danzé d’disparète poitan la pa lo moune la ba la lé l’otèr toussala. Sin-lui laba néna bonpé lotisman lé anvayi par lo bann raz-d’maré alé oir demoune sin-Lui lé pou arien ladan myé la pa la natir lé réspossab sof lo déga dsi la natir..

Domin i prévoi ui san milyon réfijyé klimatik alé oir zot lé pou arien ladan é anpliss in pé i ampèl a mète azot déor.

Ni pouré anparl ankor lo bann tèr abimé, lo bann siklone plizanpli for, lo bann mikrob épi baktéri plizanpli virilan alé oir lo bann viktime lé inossan par rapor bann nouvo fénomène danzéré la fine aparète.

Lé bien vré koshon la pa li la fé lo fèr pou mète dann son né, mé sé li k,’i soufèr an promyé. Ni vé ni vé pa mé lé konmsa é pa otroman… Mi kite azot rofléshir la dsi é ni retrouv pli dvan sipétadyé.

Justin