In kozman pou la rout

« La pa la vèye marshé forin k’i done manzé volaye »

5 désanm 2018, sanm Justin

Shakinn rantre nou i konpran bien kozman moin la mark an-o la. Si ou i vé out volaye lé zoli épi bien kosto, avèk in bon vyann, i fo ou i done ali manzé konm k’i fo é dopi li lé pti ziska li vien gro. Si ou i atann dé troi zour avan vann ali pou nouri ali konm k’i fo li profit ar pa… Astèr si ni pran lo sans figiré, ni pé dir tout sak ni fé i mérite in préparasyon é pou in bon préparasyon i fol o tan : pou pass in bak i fo kék z’ané, pou vni doktèr i fo ankor plis lo tan é pou fé in moun konpétan dann son métyé sansa dann son fonksyon, ni pé dir i fo lo tan é ankor lo tan. Alor ! Alon pa konfonn la vitèss avèk la présipitasyon é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus