Oté

« La pa lo zour la shass i rouvèr k’ i fo komans drèss son shien »

In kozman pou la rout

Justin / 21 zwin 2018

JPEG - 43.6 ko

Kozman-la i rapèl amoin in n’ot i di konmsa : « La pa kan ou la fain k’i fo alé plant do ri ». Sa i rapèl amoin galman in kozman k’i di konmsa : « gouvèrné sé prévoir. ». Donk si ou na in n’afèr pou fèr i fo fé ali kan lé tan, pa kan lé tro tar. I rapèl amoin kékshoz mé sa i romont in pé. Kan ou téi pass rann vizit in moun dan lé o, é si i propoz aou in tass kafé, i fo ou i méfyé pars l’èrla mèm i sava la boutik pou ashté lo kafé. L’èr kafé i ariv, i fé griy kafé-la, i fé koul ali si tèlman la pa avan katrèr l’apré midi ou i gingn out kafé. Lé vré dann tan-la l’avé poin tro révèye dan la kaz é konm i di l’èr sé l’èr mé pa dann tan mi anparl azot. Alé ! Mi kite azot rofléshi la dsi é ni artrouv pli d’van. Siplétadyé.