Mézami souvan défoi mi antande demoune la lèv pyé gosh, sé pou sa zot lé movèz imèr. Pou mon par ala koman mi oi sa : mi koné pa tro oussa lo lésprèssion i sorte mé mi panss la pèrsone la fé kékshoz lé pa konm toultan, osinonsa la rotrouv aèl dann in sityassion la mète aèl malalèz, pétète ossi el i doi fèr fass in problèm difissil pou réglé.

Si tèlman sa la kontraye aèl é èl lé paré pou fé mové figuir avèk demoune, zistoman lé pou arien dann son problème. Dann in ka konmsa mi pé assir azot sa i fé pa plézir é ou ossi ou lé paré pou rande mové figuir kont mové figuir é sa i aranz pa ditou l’afèr.

Alé ! mi kite azot rofléshi la dsi é ni artrouv pli d’van, sipétadyé.

Justin