Mésyé, médam, la sosyété m’a dir azot in n’afèr ?Néna lontan mi koné kozman-la,mé li lé anparmi bann kozman mi yèm pa .Pou kosa ?Pars li bate tanbour pou mové santiman-dizon li fé l’apolozi bann défo désèrtin moun néna é mi aprésyé pa.

La zantiyès, pou moin, sé in kalité :in marmaye zantiy avèk in bon marmaye pou moin sé topète morète, boite zalimète.Lo kontrèr sé kan ou i di : in mové marmaye.

Antansyon ?Pa la zantiyèss pou l’aparans, pars néna osi lipokrit de moun, i fé bon figir avèk ou mé aprésa kan ou i dévir lo do i asasine aou an paroli. In n’ot afèr :i fo pa la zantiyès i sava kont la zistiis, pars la zistis sé in bon n’afèr, in bon santiman-antouléka, mi aprésyé ali bonpé.

L’inzistis sé in kékshoz mi yèm pa-dizon moin la pa invant la poud pars in bnpé d’moun, d’apré sak mi kroi, i pans konmsa. Mi koné pa zot,pou moin lé konmsa. Alé ! Mi kite azot rofléshi la dsi é ni artrouv pli d’van.Sipétadyé !