Médam zé Méssyé dann in bonpé zistoir kréol i anparl Grandyab- Grandyab avèk Tizan. Grandyab lé mové d’néssanss mé tizan lé maliss é souvan dé foi la maliss lé gagnan dsi la méshansté. Mi rapèl zistoir la fess an or é dann zistoir-la Grandyab i drèss in pyèz pou manz la sèr Tizan mé li gingn ar pa pars lo pti marmaye sé la maliss an pèrsone.

Dann zistoir-la Grandyab i fé kroir li néna la fèss an or é li la pwin la ké alé oir zot !astèr si ni arvir dsi noute zistoir mi panss zot konm mwinni koné dann la sossyété bonpé d’moune i kash zot défo é kan wi oi son défo pou vréman tro tar… Lé tro tar pou ou.

Tro tar pou la fiye i maryé avèk in dépanssyé. Tro tar kan i maryé avèk in boug brital, tro tar pou romarke apré.. mi rapèl in kou in député La Rényon an parlan léstrème droite li téi di lo RN pou bien fé loir ali, i prézante ali touzour avèk son pli bo kostime.

Mi domann azot bien rofléshir la dsi é ni retrouv pli dvan, sipétadyé.