Oté

« La pa pars in tron d’boi i tonm dann lo, li shanj an kayeman ! »

In kozman pou la rout

Justin / 15 octob 2018

JPEG - 43.6 ko

Si zot la fine alé in pé Madégaskar, moin lé sir zot la fine vi bann kayeman suiv kourann lo. I diré in bann tron d’boi mé méfyé azot pars si zot l rant dann lo zot i fé pa in pli dovan banna. Sa néna in fors inkroiyab bann bébète la : in zébi i vien boir d’lo, kayeman i kap sa par la gèl é li larg pi ditou. Ziskatan lo zébu i touf é li fé son fèstin avèk sa-li épi lé zot bébète konm li. Alors, kan i ariv dsi bordaz la rivir-lo flèv banna i di sa !-i oi galman bann tron d’boi i suiv kouran an dsandan. Ou i pé konfann lo tronn boi avè kayeman, mé rozman tout sak i suiv la rivyèr épi lo profil lé kabos-kabosé la pa kayeman. Mé la pa non pli tout sak i suiv la rivir an dsandan sé in bann boi pouri. Fé antansyon ! Alé ! Mi kite azot rofléshi la dsi é ni artrouv pli d’van. Sipétadyé !