Mézami dann toute lang néna provèrb épi provèrb. Néna sak néna in moralité, in bon konsèye valab dann la sossyété, épi néna sak d’apré mwin lé fé arienk pou fé ri la boush sansa pou étoné. Toute fasson, la plipar d’tan dézyèm katégori-la mi panss lé bien amuzan. Sé lo ka, pou mwin, sak mwin la mète zordi dann zoinal.

Sète-la sé in kozman antiyé é fransh vérité mi oi pa li otroman ké konm in kassaz lé kui. Mé sa i fo ossi dan la vi pars nou kréol ni yèm bien moukaté, sa i fé pass in pé lo tan, é i mète anou alèz pou pass in bon zoiné.

Alé ! Mi domande pa zot pou rofléshi la dsi-biensir ! — é ni artrouv pli d’van. Sipétadyé.

Justin