Kozman mi di azot zordi, d’apré sak mi rapèl sé in kozman antiyé é mi konpran bien kossa sak la invante sa, i vé dir oziss. I vé dir demoune souvan dé foi, i mazine franssé sé in lang pou di zafèr intélizan é kréol sé pou di kozman lo ta.

Bien antandi mi partaze pa in poinn vizé konmsa : in lang sé in lang é wi pé di dann lang-la bande kozman intélizan, konm kozman kouyon. Wi pé z’ète grossyé, wi pé z’ète délika : La lang sé in zoutiye, é lo rézilta ké li done i dépande lo zouvriyé : bon zouyvriyé i ansèrv bien lo zoutiye, mové zouvriyé i ansèrv mal.

Alé ! mi kite azot rofléshi la ds é ni artrouv pli d’van. Sipétadyé.