Mé zami, mi koné pa si zot la fine sèye tir in son dann in kléron mé mi pé dir azot lé pa fasil ditou. In ga la di amoin konmsa : « Fé konmsi ou i krash dodan ! ». Moin la fé mé lo son la sort dédan lété pa kékshoz pou antann. Dizon lété konm in kriyé dézéspéré… Zot i koné na dé foi demoun i gingn in larzan épi zot i ashté in lakordéon, zot i pran la poz avèk, zot i fé foto, apré lé fini, f-i fi,n-i ni. Pars la pa out larzan va done aou la kapasité pou fé in n’afèrou i koné pa fé. Dann tout zafèr néna konm i di sink pour san l’inspirasyon épi katrovinkinz pour san la transpirasyon. Alé ! Mi kite azot rofléshi la dsi é ni artrouv pli d’van. Sipétadyé !