Mi rapèl néna bien lontan La Russi épi l’Amérik lété dann in konkirans san frin pou la konkète léspass. La Russi l’avé in prézidan téi apèl Kroutchev é bononm-la té kapab anvoye foutan sa. Donk in zour, dann in voiyaz intèrnasyonal li la di : « Dann l’amérik poul i shante mé i ponn pa, dann La Russi poul i shant kan zot la fini ponde. »

Sak mi vé dir, pa dsi la késtyonn poul épi la késtyonn zèf, mé dsi la késtyonn la vi dann noute sossyété, la pa sak i koz pliss i fé pliss é souvan défoi sé lo kontrèr. Alé ! Mi kite azot rofléshi la dsi é ni artrouv pli d’van. Sipétadyé !

NB i di galman : « Rozoir vide i fé bonpé dézord » é boudikont sé lo mèm zafèr moin la ékrir an-o la.