Koméla dann désèrtin kartyé, bèf la pi. Dabor pars na pi sharète bèf an touléka lé rar konm korn lapin. Demoun na pi vash pou ède azot sirviv, konm dann tan lontan-vash té z’ot tirlir,… alor mi ansouvien bien bèf téi shass moush avèk son ké é sa téi ansèrv ali bien dann n’inport ékèl sézon. Sa sé lo sans prop mé lo sans figiré ? I vé dir sinploman pou bann zantiyé demoun la bézoin son famiy an tou tan. La famiy sa I protèz. La famiy sé in garanti. Ou lé myé dann out famiy ké an déor la plipar d’tan. Alé ! Mi kite azot rofléshi la dsi é ni artrouv pli d’van sipétadyé.