Mézami avan anparl azot noute kozman mi sava rakonte azot in zistoir : mon papa té infirmyé maron é san titre li téi pass partou pou fé an bénévol pikir pou d’moune. Sé konmsa k’in zour in madame la done ali kafé dann in tass bréshé é li la tourn lo tass ziska lo bréshir pars li té i panss pèrsone téi boir pa par-la… Lo madame l’avèye ali, épi la di ali, ou lé konm mwin ou, wi boire dann lo bréshir.

Mé la pa toussa si ni fyé dsi noute kozman ni rande anou konte-avèk légzanpe lontan – souvan dé foi in tass bréshé téi fé toute in karyèr la kaze déssèrtin moune alé oitr tass nèv souvan défoi i kass avan. Sa sinploman pou dire azot la pa lo moune ataké i mor an promyé, lo mal fouti i pé viv pli lontan.

Alé ! Mi invite azot pou rofléshi la dsu é ni artrouv pli d’van. Sipétadyé.