Kozman la i romont loin dann tan sa ! I romont dann tan bann shinoi l’avé près tout boutik dan La Rényon. Donk alé fé komisyion, nou téi di alé la boutik shinoi. Partou l’avé la boutik shinoi é mi pans la pa bézoin di lo rol sosyal banna téi zoué dann La Rényon éstan-la. Arzout la dsi la boutik shinoi té rouvèr toultan, é kan té pa rouvèr l’avé in pti latrap ou té i tap dési é té i sèrv aou...

Na riyink in zour lété fèrmé sé kan l’avé la fète : doub dis, té i di sa la fète shinoi. Zour-la téi fé pète pétar, té i fé la fète. Donk nout kozman i vé dir la pa tou lé zour in zour d’fète. Donk ankor i fo pa anprofité pars « la pa tou lé zour la fète shinoi ! ». In foi dan l’ané lo dis oktob. Donk ankor, la pa bézoin fé la fète tou lé zour pars na in zour pou sa.

Sansa, sé in manyèr di aou, pa bézoin fé la fète tou lé zour, la pa bézoin kroir tou lé zour ou lé anlèr. Sansa ankor nana bon zour, mé nana osi mové zour.

NB Le « Double-Dix » Le 10 octobre 1911, naissance de la République chinoise, est encore commémoré chaque année par plus d’un milliard de personnes sous l’appellation commune « Double-Dix » (10-10 pour dix octobre). Le 10 octobre est jour de fête nationale à Taïwan. Cet anniversaire est également honoré en Chine populaire. Les gouvernements des deux pays, bien qu’antagonistes, continuent en effet de se réclamer l’un et l’autre de Sun Yat-sen, le père de la République.