Médame, Méssyé, la sosyété koze èk mwin sé koze èk in kouyon, mé sé o pyé d’lo mir k’i oi lo vré masson.

Mézami, dann karo provèrb péi Haïti mwin la trouv provèrb mwin l mark an-o la é sa la ramenn amwin dann tan lajaze l’avé in shate téi apèl Minouche : shate-la l’avé pti koussin dsou son pate si tèman son promyé kontakt té in vré karèss. Mé sifi k’in kamaléon, sansa in souri i pass, é wi oi lo vré natirèl minouche : In zanimo sovaz mi di azot, mé réèlman sovaz é kapab fé déga siouplé. Noré di in pti tig, sansa in pti pantère an pti. Souvan défoi bande shate lé konmsa. Sa sé lo sanss prop mé lo sanss figuiré alor ? Sinploman pou dire, i fo méfyé, sak wi pèrsoi promyé kou d’zyé, konm in n’afèr tro gayar, tro zoli,.pars la vérité lé pa parèye lo laparanss ; lo vré natir la pa konm sèk wi oi promyé kou d’zyé.

Alé ! mi kite azot rofléshi la dsi é ni artrouv pli d’van. Sipétadyé.

Pyé chatte dous mais zong li mové : provèrb Haïti