Bann rèsponsab l’UMP - La Rénion - ankor la pa toute lété la - la fini par trouv in tan pou réini azot é pou éli zot prézidan. Devan lirzans’, té pé pi atann. I falé absoliman trouv in “troizièm pate” pou fé marsh zot... “tabouré” !

Alé pa kroir la profite lokazion pou in léshanz zidé si la mouize dann lakèl Rénioné la pou débate. Alé pa kroir, nonpli, la évok sitiasion malézé la pou la ronz la Frans ou bèzman i pèt partou si la Tèr. Non. Apène zélèksion fini, toute la trasé ! !

Pou zot, le pli zinportan sék Chirac ou Sarkozy - pou le shoi, va voir pli tar - i aziz pa si in tabouré branlan. Rotromandi, konsolid léstrade si lakèl dot pèrsone va koz pou La Rénion é pou lé Rénioné ! ! !

Justin