Oté

« La pèr in volaye, son kriyé, i tandri pa lo kèr in papang »

In kozman pou la rout

Justin / 20 mé 2019

JPEG - 43.6 ko

Kan nou marmaye, é kan Papang téi vien fé son ronn dsi in park volaye, nou téi kriy : « Papang volèr poul ! Papang volèr poul ! » é lo bann poul téikriy zot osi pou sèye faroush lo modi zoizo . Sa téi anpèsh pa bann papang désann an flèsh épi tazantan trap in volaye fatigé pou alé ansanm. Volaye téi pé kriyé si li vé, souplègn si li vé, kriy tir, domann pardon, li lété parti é sirman li téi sava sèrv gard manzé pou lo famiy papang. Mé volaye fatigé, avèk papang sa sé dé shoz ki égzis dann nout sosyété : demoun ésploitèr, demoun mové kèr sa i an mank pa, konm demoun fèb, san protéksyon. Si tèlman ké l’abizèr i arète pa, lésploitasyon i arète pa. Nout sosyété lé konmsa si mi tronp pa-konm La fontaine téi di : « la rézon lo pli for lé touzour lo méyèr rézon ! ». Alé ! Mi kite azot rofléshi la dsi é ni artrouv pli d’van. Sipétadyé !