Mé zami, zot i koné néna dé shoz natirèl, lé bone sansa lé movèz isiemba dsi la tèr. Sa sé in vérité vré sa ! La plui, solèye, lo van, lo sho, lo fré, lo dir, lo mou. Mé néna d’moun i souplègn toultan pou bann fénomène-la. Mi rapèl dann mon vyé liv listoir l’avé in n’afèr konmsa an parlan bann plantèr. Té i di : « Tout i déplé ali, tout i annuiye ali, li ésplingn lo solèye, li ésplingn la plui » é souvan dé foi ou lé a d’mandé pou kossa. Pars bann fénomène natirèl wi pé pa s’an passé, wi pé pa anpéshé. Alor konm i di, i fo fé avèk : si la plui i tonb é si néna in trou dann out toi, boush ali ! Si lo van i souf for, ébin protèz out toi konmsa li shap ar pa. Biensir mi vé pa anparl bann katastrof natirèl, pars zot lé mové pou d’moun, mé in sinp plui, in tèr mouyé, in pti van glassé ? wi anpar ali in poin sé tou. Alé ! mi kite azot rofléshi la dsi é ni artrouv pli d’van. Sipétadyé.