Shak foi dann lantrepriz, kan i fé in grèv, nana in pé i fé, nana in pé i fé pa. Zot i rouv soman la boush, épi i kroi manzé sho va tonm anndan.
Pou kossa mi di sa ? Akoz mi vé parl déssi la kèstion bann lamontrèr i ariv an paké, shak ané, kan la rantré lékol i ariv... Alor mi di dann mon kèr : "Akoz travay-la la pa pou bann marmay La Rénion ?". Sak la parti étidié lontan mèm. Sak la pa ménaz z’ot kouraz. Sak nana z’ot diplonm !

Mi pans banna, épi mi kalkil, kan zot la vi tousa dmoun i sort arivé, moin lé pliské sir, sa la fatig azot. Sa la fatig zot famiy. Mi domann amoin akoz la poin in pé plis la solidarité rant sak nana travay épi sak na poin... Mi antan ankor lo kozman in moun i okip sindika, l’apré di tout sak la gingn konkour, banna la pran avan : sa i fé moins de san solman. Alé oir nana uisan i sort rantré ! Moin la vi lo tik-tak la télé pou donn tor Elie Hoarau. Poitan, sbann moun-la, sa na la famiy i fé zétide. Poitan, zot i fé konm si zot lé pa la èk sa !". Pétète zot i pans : "Kan la plui i tonm, sé pou toulmoun !". Lé bien vré ! Mé si la plui i tonm pa ? Koman i fé ?

Justin