(page 16)

Ala kosa i fo dir. Ninport kosa ! Gouvèrnman-là lapo bèrn le pèp. Soidizan li fé lanploi, li travay for pou done travay. Bin alor, le moi-désé gouvèrnman-là la fini. Fo batt ali déor. Zot minm i riskab pa konprann.

Astèr, in moun i travay pandan dé zan, zis pou war si li travay bien. Aprésa, kosa va fèr èk li ? Batt ali déor, ou gard le travayèr pouvréman ?
L’ot laba, li grogn. Li di la pa bon sak lé an-trinn fèr sanm nou. I prétan dir i roganiz in grèv pou la rantré. I prétan dir. Parske là, i batt dési le do travayèr, i respèk pa kod-travay, anou minm la batay pou fé énèt.

Zordi bayoun, ou na intéré èt patron, annawar moin’n vin salarié, aprésa kour vit demann in "kontra nouvèl anbosh". La di lé méyèr pou le kont, épisa i gingn vir fasilman, batt déor.
Oté zangoun, i prétan dir nora la grèv la rantré. N’artrouvé su pavé pou dir la pa bon sa. La po èsklav anou.

Zistin