Mézami kozman-la sé konm k’i di in provèrb é avèk in fraz sinp li tir in valèr zénéral ; la pa bézoin gran zésplikassion pou di kossa noute prpovèrb i di é néna mèm in n’ote k’i di konmsa : « Na poin fémèl krapo pou pa trouv son mal ». konm zot i oi lé pa tro difissil pou konprande in n’afèr konmsa é ni pé dir sa lé vré vréman.

Sa i fé panss amwin kékshoz i romonte in sèrtin tan.Mi rapèl i moune téi kriye aèl avèk in sobriké é mi sava pa dir azot lékèl pars madam-la la maryé, la gingn zanfan, pti zanfan é si mi di lo sobriké kissa k’i koné si dann son famiye la poin in pé pou rapèl sa.

Antouléka mi rapèl madam-la té zantiye konm in pla lantiye é mi rapèl sa konm d’yèr.Alé ! mi kite azot rofléshi la dsu é ni artrouv pli d’van.

Sipétadyé.