Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

« La poin koko d’pain i trouv pa son kot shokola »

In kozman pou la route

mèrkrodi 1 désanm 2021, sanm Justin

Médame zé méssyé, la sossyété, koze èk mwin sé koze è in kouyon, mé sé o pyé d’lo mir k’i oi lo vré masson.

Mézami kozman mi sorte mark an-o la, sé plito in kozman zantiye. Li vé dir pèrde pa kouraze, ou va trouv oute kélk’in sansa oute kélk’ine. Sa in kozman d’momon kan li la père son zanfan i rèss toussèl dan la vi. Mwin la antande in zour, Sin-Lé in marmaye apré di : na poin vilin krapo i trouv pa son zoli krapode.

Sète-la lé mwin zantiye, mé i parétré sa i vé dire lo même zafèr. Lé zami, bande provèrb-la, sa lé bizar sa.i jène pa zot di domin lo kontrère d’zordi pars i égziss ossi bande kozman konm : i vo myé z’ète toussèl ké mal akonpagné. Donk ni diré kozman néna in zéométri miltipe é lé normal lé konmsa. Lé normal li adapt in pé toute sityassion.

Alé ! mi kite azot rofléshi la dsi é ni artrouv pli d’van. Sipétadyé.



Inn modékri, inn ti lavi, inn komantèr ?

signaler contenu

Bann modékri andann forom

  • Sinonsa Justin koman i lé,
    Tanzantan, mi rogard out ti kozman dési zournal.
    Out manièr prézant lo text, out lékritir, I fé plézir amwin.
    Sak mi vé domand aou si ou néna liv, fondkèr la fin’ ékrir
    pour mwin dégoté.
    Kom ou di ou mèm ni artrouv pli d’van siplétaDié.


Facebook Twitter Linkedin Google plus