Médame zé méssyé la sossyété, koz avèk mwin sé koz èk in kouyon, mé sé o pyé d’lo mir k’i oi lo vré masson.

Mézami pou sak i koné pa, dann tan, té pa rar marmaye pou gouté téi pran in koko d’pain épi té antèr in kote shokola d’dan. Sa té in gouté arivé sa pou nou. Momandoné in pé la komanss mète do bèr épi la anfonss lo kote shokola ann-dan. Pou mwin salété tro sofistiké sa é dopain èk shokola sa téi sifi amwin. Anpleman !

Mé la ni an parl pa d’gouté nou la. Ni parl l’amour nou la, épi la rankonte sanm dë pèrsone.D’apré lo kozman, sa i ariv touzour.Bin si i ariv touzour alon garde léspoir ! Mi rapèl mèm kan nou lété jenn-jan nou téi di : « Na poin krapo i trouv pa son krapode ! ». Donk alon ète optimist.

Mi kite azot rofléshi la dsi é ni artrouv pli d’van, sipétadyé.