Médame, Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo vré masson.

Mézami, kozman mwin la marke an-o la, ni pé di sa sé in provèrb pars dizon li néna son laplikassion dann la sossyété an zénéral.

Pou kossa ?

Pars fitintan dann noute léspri kréol la poliss té pli inportan ké gardshanpète : in poliss sa sé la loi, mé gard shanpète konm zot i koné lété la pou règ bann problème pli pti é sirtou zot té pli mal péyé ké la poliss.

Alor, dann noute léspri inn té pli for ké l’ote é si wi kite in katégori pli for pou tonb dann in katégori pli f-èb, ébin wi bèss an grade-é bèss an grade sa lé pa bon ditou.

Sa lé vré pou la poliss, mé lé vré ossi dann toute la sossyété oussa néna in ran yérarshik.

Alor, mézami, mi invite azot pou rofléshi la dsi é ni artrouv pli d’van. Sipétadyé.