Antouléka sak mi koné sé k’néna la politik avèk in p miniskil é la politik avèk in P maziskil é si ni pran la politik o miniskil, dann télé dimansh soir nou la assist in niméro dso politik-la avèk dé gran pèrsonaz la droite k’i désside prézante azot zélékssion minissipal dann la komine Sin-Pol.

Si mi konpran bien zot bit sé d’tir lo mèr pou pran la plass. Donk nou lé bien loinn d’la politik avèk in gran P k’lé sirtou motivé par la défanss lintéré zénéral la politik minissipal é nou lé an plin dann la politik tradissionèl avèk son bann promèss, é konm Edgar faure téi di : « in promèss i angaj arienk sak i kroi é pa sak i fé. »

Tanka linformassion par la shène télé, si mwin la bien konpri, el i viz sirtou a karèss bann gran pèrsonaz dann sanss lo poil épi prann son par médyatik dann la manipilassion. Domin i raz gratuite !

A bon antandèr salu !

Justin