Roland Robert, lo mèr La Possession la pa kontan. Li konpran pa é li la pa tousèl akoz in pé i vé dégrad lanvironeman dann son komine. Sirtou dopi lo zour na in prozé pou fé in gran lizine éléktrik : sa i doi marsh avèk le fioul, aport in polission pa kroiyab, é aski prétan i sora klassé Sévézo... Sa in danzé d’mor pou lo dévlopman bann komine konm lo por, la possession, in risk kontamine la popilassion, si talèr sa i ésploz pa...
Pou produi kouran, nana plizièr téknik i fo dévlopé olèrk fé sak banna i vé fé : néna lo van, la mèr, solèy... Zistoman, moin la lir par-la, i sava fé dann in komine an Frans in lizine éléktrik solaire concentrée : lé plis an avans ké sak avèk bann plak fotovoltaïk. Lizine i pé tourn zour konm nuit, gras le fluid (dizon l’èr) i sava ramas la limièr konm la shalèr. Alors, akoz pa La Possession anlèr pou lénèrzi, in kondission pou dévlop lo bann zaktivité. Sirtou si nana ankor la tèr pou fé sa la-ba.
In tan téi di : « Sa landroi i arète pou pissé kan la fine pass la montagn ! ». Oté ! arète in kou èk sa, nou la fine ariv vintéinièm sièk, ni sar pa bat arièr ! Kossa i ansèrv mète domoun dann danzé !

Justin