(page 16)

Par li mèm, in sondaz i vé pa di gran shoz. Sé zist, konm i di, in foto lopinion in moman doné. Rotromandi in linstantané. Mé kan, kou si kou, nèf sondaz i done le mèm linstantané en favèr le “non” référandom, ala in linstantané i sar duré !

Otan di azot, sé la panik dann le kan an fas’. L’UMP.S. lé oblizé bate an rapèl toute son bann kador. Mé, Raffarin-Lang, Sarkozy-Hollande..., plis’ banna i koz é plis’ le “oui” i plonz ! !

Dikou, rant l’UMP é le P.S., zatak i fiz toute kalité koté. Ènn i roprosh lot son molèss’ é shakènn i ranvoy lot si la monté le “non” dan zot prop parti. Dovan in prèv par nèf pou le “non”, kosa i rèt azot pou fé ? ! ! !

Justin