Lo prézidan Paul Vèrgès la parti Seychelles pou in vizit ofisièl sink zour. Li nora lokazion diskit èk gouvèrnman séséloi épi avèk bann minist va vni roprézant zot péi pou la rénion la COI. Apré son vizit Madagascar, son mission dann komor, ala li sava Sésèl. Lé inportan sa pou nou !

Sa i vé dir, nou lé pi tousèl dann loséan indien épi bann péi indépandan i konpran ni kont dan nout rézion é mi pans zot lé désidé pou goumant nout kopérasion ansanm avèk, dann lintéré nout toutt.
In rokonésans konm sa i obliz anou pran nout résponsabilité sirtou aport lèd ni pé pou bann rézion kan lé dann malizé. Aport lèd osi dann bann séktèr nou lé an avans par raport bann péi la COI, mèm par raport bann péi dévlopé : mi pans lénèrzi, épi d’ot séktèr ankor...

Lérop na lontan la fine konprann sa, La Frans ossi dopi in bon koup de tan.
Sa in koud rès trankil pou tout sak i pran pa kont lintéré nout péi, sa in sérié zanbèk pou sak té i vé ni rakokiye dsi nou-mèm, ni rès anklavé. Lo zié i komans rouvèr !

Justin