Dann banlié la Frans, néna 40% zèn i trouv pa travay ; bann spésialis i tonm dakor pou trouv la-dan in lesplikasion bann mouvman la kolèr i sokouy lo péï dopi la fin lo moi dernié. Bien sir la dsi ou na in minis l’insékirité i fé bril la bréz pli for kan li mét la fot si l’émigrasion épi sirtou kan li vé pa antann sak domoun na pou di.

Kan ou i rogard bann déba banna i fé, ou sra pa étoné i koz pa si la Frans déor, mi vé dir si bann Dom é an partikilié si La Rénion. Akoz kan nou rogard bann problinm sosial ni pé oir La Rénion sé lo pli gran banlié la Frans. Sé pa dann in kartié domoun i trouv pa travay, sé partou si l’il... Sodron i paré anou loin, moin la pèr pou domin.

Zistin