Kan moin la antandi lo nouvo minis bann koloni la koz si inn manièr rovoir "le droit du sol", moin la konpri té sa rofé in manyir partaz la tèr La Rénion. Moin té kontan, somanké noré tir in pé d’térin dann la min sat na plin (akoz listoir) pou pans sat na poin rien akoz listoir lesklavaz.
Parlfèt, té koz pa si a kisa le térin i lé, té koz si kosa i lé sol-là. Somanké dan lé DOM i pé konsidèr la pa tout zanfan i énèt i nèt an Frans, somanké pa tout i tonm Fransé. Anfinnkont, méyèr ankor, sat lo gouvèrnman i fé i pous anou konsidèr La Rénion sé pa la Frans. Riskap i vé fé rannt anou dann lotonomi. Sak mi koné tousat i énèt La Rénion, lé Rénioné. Non ? Kékfwa la minm pa bézoin énèt, i sifi d’viv, an Rénioné !

Zistin