Oté

La Rényon : in péi i port bien son nom ?

Justin / 15 avril 2019

La Rényon ! koman l’ariv nom-la ? Par l’fète ni koné pa tro bien. Ni koné kan l’ariv La révolisyon fransèz é ké té i fo débatiz l’il Bourbon momandoné lo l’asanblé la-ba dann Pari, té i doi diskite dsi nout l’ansien nom pou shanj ali. Mé ni koné pa pou kosa la désid donn anou nom-la…

Ni sar pa diskite dé sa zordi, mé ni koné, pou in bonpé d’moun é sirtou pou la propagann ofisyèl La Rényon i port bien son nom. Moin pèrsonèl mi pans nana pou diskité. Pou kosa ? Pars konm mi oi lé shoz dopi in bon koup de tan, mi san pa La Rényon konm in péi bien ini. Ni dann son yèr, ni dann son koméla é ni pé dir parèy pou son domin. Pétète apré ! Pars yèr nou la koni l’ésklavaz, sistèm l’angajé, sistèm kolonyal, sistèm gro blan é koméla, dann sak i apèl lo tan post kolonyal l’inité nout péi i lès a déziré. La politik bann gouvèrnman, dopi 1946 la pa parti dann sans-la.

Zot va dir, i vo myé viv isi ké dann d’ot péi i pass souvan dann l’aktyalité. Moin lé dakor, nana pli pir ké nou é konm la lès amoin lo shoi sé kant mèm isi ké moin la viv, ké mi viv é ké sé la ké mi vé, domin rann mon dèrnyé soupir. Mi pans sa lé vré pou in bonpé d’moun isi mé zour-la, si mon l’éspri i tourn ankor in pé ron moin va partir avèk in rogré.
Lo rogré ké La Rényon i port pa pou vréman son nom san-pour-san.



Inn modékri, inn ti lavi, inn komantèr ?



Bann modékri andann forom






  • J’aurai tant voulu écrire en krèol ..
    Gaspard MONGE Ministre de la Marine et des Colonies sous la Convention Nationale décréta le 23 mars 1793 que l’île Bourbon portera désormais le Nom de ÎLE DE LA RÉUNION.. A ce moment là ,c’était la réunion des soldats fédérés envoyés par des départements de Province - les soldats de l’An II -envoyés pour défendre le jeune REPUBLIQUE. Le Ministre a salué cette réunion des soldats fédérés et en hommage à cette réunion a décidé que notre Ile porterait ce beau nom LA RÉUNION . C’est un symbole que l’on ne sait pas toujours . Nous portons le nom de cette réunion des soldats fédérés, soldats de l’ AN II ,partis pour défende notre jeune République.Tout un symbole .

    Article
    Inn modékri, inn ti lavi, inn komantèr ?