Brèf ! nou lé an péniri d’lo. Delo i mank anou. Ni koné pi koman nou va bross nout dan, koman nou va fé kui nout ri, koman bann bébé va fé zot toilète.. Sé konmsa ni di La Rényon lé an plin dézèr, anp plin Saara, an plin dann dézèr Gobi. Mé sak i di sa, sak i pibliye bann zafèr konmsa zot lé pa jéné. An pliss i mète lotèr dsi bann rényoné batizé a lokazyon konm gaspiyèr.

Oui mé zot i di pa nou konbienn lo i koul atèr.zot i di pa nou konbiienn lo i pèrde in pé partou dann bann kanalizassion mal fouti. Karant pour san, sansa trann-sink pour san delo i pèrd. Alor sé pa delo k’i mank a nou mé sé sak i fo pou ramass ali.

Arzout èk sa nou lé antouré par la mèr.A zout ankor kan la plui i tonb an lavalass li ruissèl partou, li sava la mèr… Alor la pa pars dé zané la plui i tonb mwin ki doi trakass a nou, sé pars nou lé pa roganizé pou bien ansèrv nout lo.

A bon antandèr salu !

Justin