Lakey lo sit > Chroniques > Oté
« La rishès in moun sé son l’intélizans »
In kozman pou la rout
lindi 18 désanm 2017, sanm
Ala in kozman i fé plézir mon zorèye. Pou kosa ? Pars, demoun i baz souvan dé foi dsi bann rishès matèryèl. Zot lé kontan an avoir in gran mézon, in bèl loto, in kostime karnèr. Si ou la poin sa, déboute gète ! Parl pi si ou i rode game in fiy, ou lé riskab lo famiy i fé kour aou si ou na poin lo pourkoi an sifizans. Mé l’intélizans, dizon galman l’instriksyon, sa i oi pa do loin sa, épi sa i intérèss pa pèrsone. Sa i vann pa, sa i ashète pa. Romark azot bien, final de kont, la rishès sé sak i mank aou, pars sak i mank aou lé pli inportan pou ou ké sak ou néna. Alé ! mi lèss azot réfléshi la dsi, é ni artrouv pl dvan sipétadyé.